(ข) ปจฺจนีกํ
[23] (ก) น ทุกฺขํ น สจฺจนฺติ?
ทุกฺขํ ฐเปตฺวา อวเสสา สจฺจา น ทุกฺขํ, สจฺจาฯ ทุกฺขญฺจ สจฺจญฺจ ฐเปตฺวา อวเสสา น เจว ทุกฺขํ น จ สจฺจาฯ
(ข) น สจฺจา น สมุทยสจฺจนฺติ? อามนฺตาฯ
น ทุกฺขํ น สจฺจนฺติ?
ทุกฺขํ ฐเปตฺวา อวเสสา สจฺจา น ทุกฺขํ, สจฺจาฯ ทุกฺขญฺจ สจฺจญฺจ ฐเปตฺวา อวเสสา น เจว ทุกฺขํ น จ สจฺจาฯ
น สจฺจา น นิโรธสจฺจนฺติ?…เป.… น สจฺจา น มคฺคสจฺจนฺติ? อามนฺตาฯ
[24] น สมุทโย น สจฺจนฺติ?
สมุทยํ ฐเปตฺวา อวเสสา สจฺจา น สมุทโย, สจฺจาฯ สมุทยญฺจ สจฺจญฺจ ฐเปตฺวา อวเสสา น เจว สมุทโย น จ สจฺจาฯ
น สจฺจา น ทุกฺขสจฺจนฺติ?…เป.…ฯ
[25] น นิโรโธ น สจฺจนฺติ?
นิโรธํ ฐเปตฺวา…เป.…ฯ
[26] (ก) น มคฺโค น สจฺจนฺติ?
มคฺคํ ฐเปตฺวา อวเสสา สจฺจา น มคฺโค, สจฺจาฯ มคฺคญฺจ สจฺจญฺจ ฐเปตฺวา อวเสสา น เจว มคฺโค น จ สจฺจาฯ
(ข) น สจฺจา น ทุกฺขสจฺจนฺติ? อามนฺตาฯ
น มคฺโค น สจฺจนฺติ?
มคฺคํ ฐเปตฺวา อวเสสา สจฺจา น มคฺโค, สจฺจาฯ มคฺคญฺจ สจฺจญฺจ ฐเปตฺวา อวเสสา น เจว มคฺโค น จ สจฺจาฯ
น สจฺจา น สมุทยสจฺจนฺติ? อามนฺตาฯ…เป.…ฯ
น สจฺจา น นิโรธสจฺจนฺติ? อามนฺตาฯ
ปณฺณตฺตินิทฺเทสวาโรฯ
2. ปวตฺติวาโร 1. อุปฺปาทวาโร
(1) ปจฺจุปฺปนฺนวาโร
(ก) อนุโลมปุคฺคโล
[27] (ก) ยสฺส ทุกฺขสจฺจํ อุปฺปชฺชติ ตสฺส สมุทยสจฺจํ อุปฺปชฺชตีติ?
สพฺเพสํ อุปปชฺชนฺตานํ ปวตฺเต ตณฺหาวิปฺปยุตฺตจิตฺตสฺส อุปฺปาทกฺขเณ เตสํ ทุกฺขสจฺจํ อุปฺปชฺชติ, โน จ เตสํ สมุทยสจฺจํ อุปฺปชฺชติฯ